Azərbaycan, Bakı, 21 iyul/ Trend , müxbir C.Babayeva/ Azərbaycanın müxalif Liberal Demokrat Partiyasının (ALDP) sədri Fuad Əliyevin Dövlət Əmlakının İdarə Edilməsi üzrə Dövlət Komitəsinin (DƏİEDK) sədri Kərəm Həsənova qarşı qaldırdığı iddia ərizəsinə əsasən bazar ertəsi Xətai rayon məhkəməsində hakim Bəhram Şükurovun sədirliyilə məhkəmə iclası keçirilib.
Partiyadan verilən məlumata əsasən, DƏİEDK-in üç ünvanda qərargah üçün təklif etdiyi yerlərin sahibləri olduğu məlum olub. DƏİEDK tərəfindən yer ayırmaqla bağlı hakimə sənədlər təqdim edilsə də, hakim bunu nəzərə almayıb və ALDP-nin iddia ərizəsini təmin etməyib.
Partiyadan bildirilib ki, 10 gün sonar, məhkəmənin qərarı alınandan sonra Apellyasiya Məhkəməsinə müraciət olunacaq.
Trend -un arayışı: Azərbaycan Liberal Demokrat Partiyası 1999-ci ildə yaradılıb və həmin il Ədliyyə Nazirliyində dövlət qeydiyyatından keçib.
Məqalə müəllifi ilə əlaqə saxlamaq üçün ünvan: trend