Azərbaycan, Bakı,06 avqust / Trend , müxbir S.Kazımlı/ Azərbaycanın paytaxtında naməlum şəxs 70 yaşlı qadına dərman içirdərək, onun mənzilindən oğurluq edib.
Nəsimi Rayon Polis İdarəsindən (RPİ) çərşənbə günü Trend -a verilən məlumata görə, avqustun 5 - də saat 18.00 radələrində naməlum şəxs Nəsimi rayonunun 20 Yanvar küçəsi, ev 7, mənzil 93 ünvanında yaşayan 70 yaşlı Zenfira Fərzullayevanın mənzilinə daxil olub. Həmin şəxs Fərzullayevaya dəriman verib yatızdıraraq mənzildəki 900 dollar məbləğində pulu və qızıl-zinət əşyaları oğurlayıb. Polis İdarəsindən hələlik hadisə ilə bağlı saxlanılan olmadığını bildirdilər.
Hazırda bu istiqamətdə əməliyyat-axtarış tədbirləri davam etdirilir. Zərərçəkən ifadəsində evinə daxil olan kişini tanımadığını deyib.
Faktla bağlı Nəsimi Rayon Polis İdarəsində Azərbaycan Cinayət Məcəlləsinin oğurluq (177-ci) maddəsi ilə cinayət işi başlanılıb, istintaq aparılır.
Məqalə müəllifi ilə əlaqə ünvanı: [email protected]
