...

İlham Əliyev AMEA-nın tabeliyində olan  müəssisələrdə çalışan işçilərin əməkhaqlarının artırılması ilə bağlı sərəncam imzalayıb

Siyasət Materials 1 Sentyabr 2008 23:56

Trend-i buradan izləyin

Azərbaycan prezidenti İlham Əliyev Azərbaycan Milli Elmlər Akademiyasının tabeliyində olan və dövlət büdcəsindən maliyyələşdirilən digər elm və elmi tədqiqat müəssisə, idarə və təşkilatlarında çalışan işçilərin sosial müdafiəsini daha da gücləndirmək və onlara dövlət qayğısını artırmaq məqsədi ilə sərəncam imzalayıb.

Sərəncama əsasən Azərbaycan Milli Elmlər Akademiyasının tabeliyində olan və dövlət büdcəsindən maliyyələşdirilən digər elm və elmi tədqiqat müəssisə, idarə və təşkilatlarında çalışan işçilərin Vahid Tarif Cədvəli ilə müəyyən edilmiş aylıq vəzifə (tarif) maaşları 2008-ci il sentyabrın 1-dən orta hesabla 25 faiz artırılıb.

Azərbaycan Respublikasının Nazirlər Kabinetinə tapşırılıb ki, bu sərəncamdan irəli gələn məsələləri həll etsin.

Xəbər lenti

Xəbər lenti