Azərbaycan, Bakı, 30 sentyabr/ Тrend News, müxbir N.Abdullayev/ ABŞ Dövlət Katibinin birinci müavini Con Neqroponte (John D. Negroponte) oktyabrın 1 - 3 - də Azərbaycana işgüzar səfərə gələcək, - Trend - a çərşənbə axşamı ABŞ - ın Azərbaycandakı səfirliyinin ictimaiyyətlə əlaqələr şobəsinin müdiri Terri Devidson bildirib.
Neqroponte Bakıda Dağlıq Qarabağ münaqişəsinin tənzimlənməsi, təhlükəsizlik, strategiya sahəsində geniş spektrli məsələləri, eləcə də Rusiya - Gürcüstan münaqişəsini müzakirə edəcək.
ABŞ Dövlət Katibinin birinci müavini Azərbaycanın hökumət və respublikanın biznes dairələrinin nümayəndələri ilə görüşəcək.