Azərbaycan, Bakı, 07 oktyabr/ Trend , müxbir N.Abdullayeva/ Avropa Şurası yaxın üç il üzrə gənclər siyasətinin prioritetlərini müəyyən edəcək.
Azərbaycanın Gənclər və İdman Nazirliyindən çərşənbə axşamı Trend -a verilən məlumata görə, Avropa Şurasının (AŞ) yaxın üç il üçün prioritetlər üzrə Bəyannaməsi oktyabrın 8 -12-də Kiyevdə keçiriləcək "Avropa Şurasının gləcək gənclər siyasəti" konfransında qəbul ediləcək.
Konfransda Azərbaycanı gənclər və idman naziri Azad Rəhimov təmsil edəcək.
Konfrans üç ildən bir keçirilir. Sonuncu konfrans 2005 - ci ildə Macarıstanda baş tutub.
Konfransda oğlan və qızlara, qadın və kişilərə bərabər imkanların verilməsi, gənclərin mədəni inkişafına dəstək, mədəni və dini aspektlər arasında dialoqun eyni dərəcədə dəstəklənməsi, gənclərin sosial hüquqlarının müdafiəsi və həmrəylik üzrə dialoqa dəstək məsələləri müzakirə olunacaq.
Məqalə müəllifi ilə əlaqə ünvanı - trend