Gürcüstan, Tbilisi, 16 oktyabr / Trend müxbir N.Kirtsxalia/ Gürcüstanın energetika nazirinin birinci müavini vəzifəsinə Mariam Valişvili təyinat alıb. Gürcüstan hökumətinin aparatından verilən məlumata görə, o bu postda Sergey Mesxini əvəz edəcək.
Müvafiq qərarı Gürcüstanın baş naziri Vladimir Qurqenidze imzalayıb.
Mariam Valişvili son zamanlar "Kala kapital" enerji layihələrinə rəhbərlik edib, "Sakhidro" SC-nin baş direktoru olub.
Öncəki illərdə Valişvili "Minilliyin çağırışı-Gürcüstan" fondunda, habelə Gürcüstanın Neftqaz korporasiyasında çalışıb.