...

Avropa Şurası Azərbaycanla mədəniyyətlərarası və dinlərarası dialoq proqramını genişləndirmək niyyətindədir

Siyasət Materials 31 Oktyabr 2008 14:15

Trend-i buradan izləyin

Azərbaycan, Bakı, 31 oktyabr/ Trend , müxbir R.Novruzov/ Avropa Şurası Azərbaycanla  mədəniyyətlərarası və dinlərarası dialoq proqramını genişləndirmək niyyətindədir.

Avropa Şurasının Baş katibi Terri Devis mədəniyyətlərarası problemlərə həsr olunmuş konfransda iştirak etmək üçün dekabrın əvvəlində Azərbaycana səfər etməyi planlaşdırır. "Konfransda əməkdaşlığın genişləndirilməsi imkanları müzakirə ediləcək", - cümə günü AŞ-nin Katibliyindən telefonla Trend -a bildiriblər.

AŞ-nin Baş katibi Bakıya səfəri çərçivəsində Azərbaycan hökumətinin nümayəndələri ilə danışıqlar aparacaq. Danışıqlarda demokratik proseslər, həmçinin Dağlıq Qarabağ münaqişəsinin nizamlanması məsələsi müzakirə ediləcək.

Konfrans dekabrın 2-3-nə planlaşdırılıb, Avropa Şurası və Azərbaycanın Mədəniyyət və Turizm Nazirliyi tərəfindən birgə təşkil edilib. Müxtəlif etnik və dini qruplar arasında anlaşmanın yaxşılaşmasına yönəlmiş dinlərarası və mədəniyyətlərarası dialoqa həsr olunub. Konfransın əsas mövzusu regionda sülh və sabitlik olacaq.

Konfrans Avropa Şurasının 2008-ci ildən Avropa Komissiyası ilə birgə həyata keçirdiyi Mədəniyyətlərarası və Dinlərarası Dialoq Proqramı çərçivəsində keçiriləcək. Proqramın məqsədi təhsil sistemi vasitəsilə Cənubi Qafqaz ölkələri və Ukrayna arasında mədəniyyətlərarası dialoqun dərinləşdirilməsidir.

Müəlliflə əlaqə saxlamaq üçün elektron ünvan:[email protected]

Xəbər lenti

Xəbər lenti