Fransa, Strasburq, 28 yanvar / Trend , müxbir A.Məhərrəmli/ Azərbaycan mədəniyyətlərarası dialoqda körpü rolunu oynamağa tam hazırdır, bu fikirləri çərşənbə günü AŞ baş katibi Terri Devis Trend -a bildirib.
Devis keçən ilin dekabr ayında Bakıda keçirilən mədəniyyətlərarası dialoqa dair beynəlxalq konfransda iştirak edib. Baş katib tədbirin çox yüksək səviyyədə təşkil olunduğunu və uğurlu keçməsini vurğulayıb.
Baş katib bildirib ki, Bakıda keçirilən beynəlxalq konfransda qaldırılan məsələlər mədəniyyətlərarası dialoqun inkişafına töhfə verəcək.
Devis əlavə edib ki, AŞ mədəniyyətlərarası dialoqla bağlı YUNESKO və BMT-nin Sivilizasiyaların Alyansı ilə sıx əməkdaşlıq edir: "Biz bu münasibətləri gələcəkdə "Faro Platforma"sı çərçivəsində daha da inkişaf etdirəcəyik".
2005-ci ilin 27 oktyabrında Portuqaliyanın Faro şəhərində qəbul edilən niyyət bəyannaməsinin fövqündə AŞ ilə YUNESKO, mədəniyyətlərarası dialoqa dair hər iki təşkilat arasında açıq institusional əməkdaşlıq platformasının ("Faro Platforma"sı) yaradılması haqqında bəyannamə yayıb. Artıq BMT-nin Sivilizasiyaların Alyansı "Faro Platforması"na qəbul olub və ALECSO-da bununla bağlı müraciət edib.
Baş katib bildirib ki, bu Platforma hər iki təşkilat tərəfindən qəbul edildikdən sonra effektiv olacaq.
Məqalə müəllifi ilə əlaqə ünvanı: [email protected]
