Türkmənistan, Aşqabad, 11 mart / Trend , müxbir H.Həsənov /
"Türkmənistan Prezidenti Qurbanqulu Berdimuhəmmədov İqtisadiyyat Nazirliyi, Türkmənistan Beynəlxalq Səhmdar Bankı, Şəhər Administrasiyası və Dövlət Heyvandarlıq Assosiasiyasında bir sıra kadr dəyişiklikləri aparıb.
Akmırat Məmmədov Türkmənistanın iqtisadiyyat və inkişaf naziri təyin edilib. Buna qədər o, Türkmənistan Beynəlxalq Səhmdar Bankı "Qaraqum"un idarə heyətinin sədri olub. Bu banka rəhbərlik isə Türkmənistanın dövlət kommersiya bankı "Xalqbank"ın idarə heyətinin sədri Beqenç Çopanova həvalə edilib.
Lebap əyalətinin Türkmənabad mərkəzi şəhərinin hakimi (mer) Daşdurdı Rozıyev tənqidi qeydlərlə vəzifəsindən azad edilib. Prezident sərəncamında deyilir ki, buna səbəb onun "işində buraxdığı səhvlər" olub. Daha dəqiq, Rozıyev onun üzərinə həvalə edilmiş vəzifələrin öhdəsindən gələ bilməyib, tikilən bina və qurğuların vaxtlı-vaxtında istismara verilməsini təmin etməyib, şəhərin arxitektur görünüşünün təkmilləşdirilməsi və onun rifahının təmin edilməsi üzrə tələblərə uyğun işi təşkil edə bilməyib. Bu günlərdə Türkmənabadda dövlət və hökumət başçısının iştirakı ilə Ağsaqqallar Şurası keçirilib.
Paytaxt administrasiyasında da yeni təyinatlar gerçəkləşib. Prezidentin sərəncamına əsasən, Atamırat Seyitquliyev Aşqabad şəhəri hakiminin müavini təyin edilib və Nazirlər Kabinetinin enerji və sənaye şöbəsinin aparıcı mütəxəssisi vəzifəsindən azad edilib. Bununla yanaşı, Orazmuhammet Annageldiyev "Türkmənmalları" Türkmənistan Heyvandalıq Səhmdar Cəmiyyətlərinin Dövlət Assosasiyasının sədr müavini təyin edilib.
Məqalə müəllifi ilə əlaqə ünvanı: [email protected]
