İranın Bağdaddakı səfiri Həsən Kazimi Qummi bildirib ki, İraqın Ərbil şəhərində girov götürülmüş 5 iranlı diplomat azadlığa buraxılıb. Bu barədə FARS xəbər agentliyi məlumat yayıb.
"ABŞ qüvvələri tərəfindən girov götürülmüş 5 iranlı diplomat azadlığa buraxılıb. İranlı diplomatlar İraqın Baş naziri Nuri əl-Maliki ilə görüşdükdən sonra İranın Bağdaddakı səfirliyinə təhvil veriləcəklər", - deyə Kazimi Qummi bildirib.
İranın 5 diplomatı 2007-ci il yanvarın 11-də İraqın Ərbil şəhərində ABŞ qüvvələri tərəfindən girov götürülmüşdi.