Azərbaycan, Bakı, 22 yanvar / Trend , müxbir A.Hüseynbala/
Azərbaycanın müxalifət partiyasının gəncləri parlament seçkiləri ilə bağlı aksiyalar keçirəcək.
"Partiyanın Gənclər Təşkilatı müxalifətyönlü gənclərin parlament seçkiləri ərəfəsi birgə fəaliyyət göstərməsi üçün təkliflə çıxış edib", - cümə günü Trend -a Müsavat Partiyasının mətbuat xidmətindən bildirilib.
Trend -un arayışı: Azərbaycanda parlament seçkilərinin 2010-cu ilin payızında keçiriləcəyi gözlənilir. Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində keçirilir.
Gənclərin ilk tədbiri yanvarın 23-də siyasi partiyaların gənclər təşkilatları, tələbələr, gənc yazarlar, ziyalılar və bir qrup millət vəkilinin iştirakı ilə keçiriləcək. "Tədbirdə payızda keçirilməsi nəzərdə tutulan parlament seçkiləri ərəfəsi birgə fəaliyyət barədə müzakirələr aparılacaq", - məlumatda əlavə olunur.
Müsavat Partiyası 1911-ci ilin oktyabrında Bakıda yaradılıb. Müsavat Partiyasının (Bərpa) Qurultayı 1992-ci il noyabrın 7-də Bakıda Respublika sarayında keçirilib. Gizli səsvermənin yekunları əsasında İsa Qəmbər əksəriyyət səslə Müsavat Partiyasının başqanı seçilib.
Qəmbər Аzərbаycan Pаrlаmеntinin еks-spikеri (1992-93-cü illərdə) və 2003-cü ildə keçirilmiş prezident seçkisində prezidentliyə namizəd olub. Pаrtiyа 4 nəfər deputatla parlamentdə təmsil olunur.
Məqalə müəllifi ilə əlaqə ünvanı: [email protected]