Azərbaycan, Bakı, 22 fevral / Trend , müxbir K.Zərbalıyeva/
Bakının Binəqədi rayonunda bu gün səhər saatlarında baş vermiş partlayışla bağlı cinayət işi başlanıb.
Binəqədi rayon prokurorluğundan Trend -a verilən məlumata görə, faktla bağlı Cinayət Məcəlləsinin şəxsin ölümünə və digər ağır nəticələrə səbəb olan səhlənkarlıq (314.2) maddəsi ilə cinayət işi başlanıb.
Bakının Binəqədi rayonunda, 3-cü mədən küçəsində 2 mərtəbəli fərdi yaşayış evində səhər saat 05.30 radələrində güclü partlayış baş verib.
Partlayış nəticəsində evin bir hissəsi uçub. Həmin evdə fəhlə işləyən 1959-cu il təvəllüdlü Babayev Xoşbəxt Balamirzə oğlu dağıntılar altında qalaraq həlak olub.
Fövqəladə Hallar Nazirliyinin xilasetmə-axtarış tədbirləri nəticəsində günorta saatlarında dağıntılar altından Babayevin meyiti çıxarılıb.
Prokurorluqdan bildirilib ki, hələlik evin kimə mənsub olduğu məlum deyil. Hadisənin başvermə səbəbləri araşdırılır.