Azərbaycan, Bakı, 5 aprel /Trend, müxbir S.Süleymanov/
Qazaxıstan Mərkəzi Asiya ölkələri və Əfqanıstan ərazisi ilə yüklərin yerüstü və hava nəqliyyatı vasitəsilə daşınması üzrə Şimal marşrutunda fəal iştirak edir. Proqrama 14 ay öncə başlanılıb və Şimal marşrutu ilə 10 mindən çox konteyner göndərilib. Bu barədə bu gün Astanada keçirilən mətbuat konfransında ABŞ ordusu mərkəzi komandanlığının başçısı general Devid Petreus bildirib.
Onun sözlərinə görə, Mərkəzi Asiya ölkələri bu və ya digər dərəcədə yüklərin tranzitinə cəlb olunublar. "Qazaxıstan və Mərkəzi Asiyanın digər ölkələri müəyyən iqtisadi fayda əldə edirlər. 18 ay ərzində ABŞ bu proqrama (Şimal marşrutu üzrə yüklərin nəqli - müəllifin qeydi) 62 milyon dollar sərf edib", - o deyib.
General əlavə edib ki, Əfqanıstandakı hərbi qüvvələr üçün Qazaxıstanda malların alınmasının səviyyəsi artacaq, çünki onları Qazaxıstanda almaq məqsədəuyğundur, nəinki başqa ölkələrdən idxal etmək.
