Azərbaycan, Bakı, 25 iyun /Trend, müxbir E.Tarıverdiyeva/
GUAM Azərbaycanda Parlament seçkilərinin gedişini izləməyi planlaşdırır.
"Əgər Azərbaycan tərəfdən Parlament seçkilərində iştirakla bağlı dəvət daxil olarsa, GUAM nümayəndə heyəti mütləq gələcək və müşahidəçi kimi iştirak edəcək", - Trend-ə cümə günü təşkilatın baş katibi Valeri Çeçelaşvili məlumat verib.
Azərbaycanda Parlament seçkiləri noyabrda keçiriləcək.
Beynəlxalq təşkilatlar seçki prosesinin monitorinqini keçirmək üçün öz müşahidəçilərindən ibarət nümayəndə heyətlərini Azərbaycana göndərməyə hazırlaşırlar. Avropa Şurası 30 nəfərdən ibarət missiyasının seçkilərdə iştirak etmək üçün hazır olduğunu bəyan edib.