Azərbaycan, Bakı, 12 yanvar /Trend/
Yanvarın 11-də Moskvada Rusiya Federasiyasının xarici işlər naziri Sergey Lavrovun MDB iştirakçısı olan dövlətlərin səfirləri ilə işgüzar səhər yeməyi formatında illik ənənəvi görüşü keçirilib. Bu barədə RF XİN məlumat yayıb.
2010-cu ildə Rusiyanın təşkilata sədrliyinin yekunları konteksində Birlik çərçivəsində əməkdaşlığın aktual məsələləri və qarşıdakı dövrdə təşkilat qarşısında duran vəzifələr müzakirə olunub.
Müstəqil Dövlətlər Birliyi (MDB) regional beynəlxalq təşkilat olmaqla əvvəllər SSRİ-nin tərkibinə daxil olan ölkələr arasında əməkdaşlıq münasibətlərinin tənzimlənməsini nəzərdə tutur. MDB dövlətüstü törəmə deyil və könüllü əsasda fəaliyyət göstərir. MDB-nin tərkibinə üç Baltikyanı ölkə və Gürcüstandan başqa, Azərbaycan da daxil olmaqla keçmiş SSRİ-nin bütün ölkələri daxildir.