...

Azərbaycan G20 sammitində beynəlxalq gündəlikdə duran vacib məsələləri qaldırdı - XİN

Siyasət Materials 21 Fevral 2012 19:01 (UTC +04:00)
Azərbaycanın G20 kimi vacib forumda iştirakı yerli diplomatiyanın irəliyə addımıdır və Azərbaycan bu forumda beynəlxalq gündəlikdə dayanan vacib məsələləri qaldırıb.

Trend-i buradan izləyin

Azərbaycan, Bakı, 21 fevral /Trend, müxbirlər S.Ağayeva, E.Tariverdiyeva/

Azərbaycanın G20 kimi vacib forumda iştirakı yerli diplomatiyanın irəliyə addımıdır və Azərbaycan bu forumda beynəlxalq gündəlikdə dayanan vacib məsələləri qaldırıb. Bu barədə çərşənbə axşamı Trend-ə Azərbaycan Xarici İşlər Nazirliyinin (XİN) mətbuat katibi Elman Abdullayev bildirib.

"Liderlərin belə formatı və liderlər arasında olmaq və belə formatda müzakirələrdə iştirak etmək, şübhəsiz, uğurdur", - o deyib.

Abdullayevin sözlərinə görə, təbii ki, Azərbaycanın G20-də iştirakı ölkənin müəyyən uğurlarına əsaslanır.

"G20-də sədrlik edən Meksika xarici işlər nazirinin bildirdiyinə görə, Azərbaycanın inkişafı ölkənin regionda uğurunun formulunun nümunəsidir. Azərbaycanın dinamik inkişaf edən iqtisadiyyatı var, burada dünya maliyyə böhranından sonra artım müşahidə edilir, halbuki dünya maliyyə böhranından sonra bir çox ölkələr özunə gələ bilmədi. Biz hazırda Aİ ölkələrində - Yunanıstan, Portuqaliya və İtaliyada nələrin baş verdiyinin şahidi olduq", - Abdullayev qeyd edib.

Onun sözlərinə görə, Azərbaycanın bu foruma dəvət edilməsinin iki əsas məqamı var ki, bunu da Meksikanın xarici işlər naziri G20-nin XİN rəhbərlərinin qeyri-formal görüşünün açılışında ifadə edib.

Bu, Azərbaycanın beynəlxalq təşkilatlar çərçivəsində artan roludur: ölkənin BMT TŞ-yə seçilməsi, Azərbaycanın YUNESKO-nun bir sıra nüfuzlu strukturlarında qabaqcıl vəzifələrə seçilməsi, Qoşulmama Hərəkatına daxil olması. Abdullayevin fikrincə, bütün bu məqamlar onu göstərir ki, Azərbaycanın dünyada mövqeyi güclənir.

"Azərbaycan gənc dövlət olmaqla, artıq getdikcə dinamik ölkəyə çevrilir. Bütün bunlar Azərbaycanı G20-yə gətirən əsasdır", - Abdullayev bildirib.

Onun sözlərinə görə, Azərbaycan üçün əsas məqamlardan biri Azərbaycan XİN rəhbərinin vacib məsələlərin toxunulduğu G20-nin qeyri-formal görüşünün sessiyasını aparmağa dəvət edilməsidir.

"Biz çətin regionda yaşayırıq, bu regionda mövcud olan problemlər bizə çox yaxşı tanışdır. Biz inkişaf edən ölkələrə dair məsələləri qaldırdıq. Hazırda inkişaf edən ölkələrdə mövcud olan problemlərlə tez və səmərəli mübarizə aparmaq kimi məsələlər qaldırıldı", - o vurğulayıb.

Mətbuat katibi bildirib ki, Azərbaycan XİN rəhbəri inkişaf edən ölkələri bu ölkələrə köməyə daha fəal qoşulmağa çağırıb.

Abdullayevin sözlərinə görə, təbii ki, Azərbaycan XİN rəhbəri bu görüşdə Ermənistan-Azərbaycan, Dağlıq-Qarabağ münaqişəsi məsələsini qaldırıb.

"Azərbaycan naziri beynəlxalq təşkilatların, xüsusən də BMT TŞ-nin qərarlarının yerinə yetirilməsi üzrə mexanizmlərinin mövcud olmamasına diqqəti çəkib. Xüsusən də vurğulayıb ki, BMT TŞ Ermənistan-Azərbaycan, Dağlıq Qarabağ münaqişəsi üzrə 4 qətnamə qəbul edib və onlar indiyə qədər yerinə yetirilmir. Ermənistan isə bu qətnamələrə məhəl qomur", - Abdullayev qeyd edib.

Xəbər lenti

Xəbər lenti