Azərbaycan, Bakı, 27 may /Trend, müxbir H.Vəliyev /
Azərbaycanın "Neyrotex" İT şirkəti avtomatlaşdırılmış məlumat-sorğu xidmətinin yaradılması üçün işlər görür. Bu barədə cümə günü Trend-ə "Dilmanc" layihəsinin rəhbəri Əbülfət Fətullayev bildirib.
Onun sözlərinə görə, xidmətin avtomatlaşdırılması üçün Dilmanc nitqtanıma sistemindən istifadə olunacaq. Call-mərkəzin ümumi telefon şəbəkəsinin təşkili məqsədilə üçrəqəmli nömrənin işə salınması planlaşdırılır.
"Neyrotex" şirkətinin reallaşdırdığı layihə eksperimental xarakterlidir. Hazırda Call-mərkəzin yerləşəcəyi zəruri xidmət avadanlıqlarının alınması planlaşdırılır. Sistem sınaqdan uğurla keçib və sorğu xidmətlərinin göstərilməsi üçün tam hazırdır. Bu layihə çərçivəsində işlərin ilin sonunadək başa çatdırılması planlaşdırılır", - Fətullayev deyib.