Azərbaycan, Bakı, 28 dekabr /Trend, müxbir K.Zərbalıyeva/
"Sərhəd Qoşunları haqqında" qanuna Sərhəd Qoşunlarının vəzifələri və hüquqları ilə bağlı dəyişikliklər edilib.
Trend-in məlumatına görə, Milli Məclisin bu gün keçirilən iclasında qanuna dəyişikliklərlə bağlı qanun layihəsi qəbul olunub.
Dəyişiklikdə bildirilir ki, sərhəd qoşunlarının vəzifələrindən biri qanunla müəyyən olunmuş qaydada şəxslərin, nəqliyyat vasitələrinin, yüklərin və digər əmlakın dövlət sərhədinin buraxılış məntəqələrindən buraxılmasını həyata keçirməkdir.
Sərhəd qoşunları xaricə gedən nəqliyyat vasitələrinin Dovlət sərhədinin buraxılış məntəqələrində dayanma (dayanacaq) yerlərini və muddətini gömrük idarələri (postları) ilə birlikdə muəyyən etmək hüququna malikdir.