Azərbaycan, Bakı, 18 iyun /Trend/
Azərbaycan Milli Sülh Komitəsinin Plenumu bu gün keçirilən iclasında qarşıdakı prezident seçkilərində dövlət başçısı İlham Əliyevin namizədliyini yekdilliklə dəstəkləyib. Trend-in məlumatına görə, bu barədə Komitənin yaydığı məlumatda deyilir.
Plenumda Azərbaycanın xalq yazıçısı, Milli Sülh Komitəsinin sədri Maqsud İbrahimbəyov çıxış edib.
Qeyd edək ki, Azərbaycanda prezident seçkiləri bu ilin payızında keçiriləcək.