Azərbaycan, Bakı, 8 iyul /Trend/
ATƏT-in fəaliyyətdə olan sədri, Ukraynanın xarici işlər naziri Leonid Kojara Ermənistana səfərini yenidən təxirə salıb. Trend-in məlumatına görə, bu barədə bazar ertəsi Ermənistan Xarici İşlər Nazirliyindəki mənbə "Novosti-Armeniya"ya bildirib.
Məlumata görə, səfər bir həftəyə, təqribən iyulun 15-nə qədər təxirə salınıb. Lakin hazırda dəqiq tarix müəyyənləşdirilir.
Qeyd edək ki, Kojaranın Ermənistana səfəri artıq ikinci dəfədir təxirə salınır. Daha əvvəl o, regionun hər 3 ölkəsinə səfər etməyi planlaşdırmışdı, lakin yekunda yalnız Tbilisiyə səfər etmişdi.
ATƏT sədri hazırda Bakıda səfərdədir.