Azərbaycan, Bakı, 19 may /Trend, müxbir İ.İzzət/
Mayın 19-da Azərbaycan və ABŞ hərbçiləri arasında ikitərəfli əlaqələrin razılaşdırılması üzrə konfrans keçirilib.
Müdafiə Nazirliyinin mətbuat xidmətindən Trend-ə bildiriblər ki, tədbirdə Azərbaycan Müdafiə Nazirliyinin nümayəndə heyətinə Beynəlxalq Hərbi Əməkdaşlıq İdarəsinin rəisi general-mayor Ramiz Nəcəfov, ABŞ nümayəndə heyətinə isə ABŞ-ın Avropa Komandanlığı Strateji Məsələlər üzrə İdarəsinin rəis müavini polkovnik Ted Donneli rəhbərlik ediblər.
Görüş zamanı Azərbaycan Müdafiə Nazirliyi və ABŞ-ın Avropa Komandanlığı arasında 2015-ci il üçün nəzərdə tutulmuş İş Planı müzakirə olunub.