Bakı. Ləman Zeynalova - Trend:
Dağlıq Qarabağ münaqişəsini yalnız tərəflər özləri həll edə bilərlər.
Trend-in məlumatına görə, bunu Rusiyanın xarici işlər naziri Sergey Lavrov bu gün keçirilən mətbuat konfransında deyib.
S.Lavrov deyib: “Dağlıq Qarabağ münaqişəsinin həllinə gəldikdə, Rusiyanın bu məsələ ilə bağlı konkret planı ola bilməz, çünki problemi yalnız tərəflər özləri həll edə bilər. Rusiya ABŞ və Fransa ilə birgə ATƏT-in Minsk qrupunun həmsədri qismində həll üçün şəraitin yaradılması məqsədilə əlindən gələni edir”.