Bakı. Trend:
Rumıniya Azərbaycan və Ermənistan arasında məhsuldar danışıqları alqışlayır.
Trend-in məlumata görə, bunu Rumıniyanın xarici işlər naziri Boqdan Auresku ATƏT Nazirlər Şurasının 29-cu sessiyasında deyib.
“Biz Avropa İttifaqı Şurasının prezidenti Şarl Mişelin vasitəçiliyi ilə Azərbaycan və Ermənistan liderləri arasında məhsuldar danışıqları, eləcə də müzakirələr zamanı əldə olunan nəticələri alqışlayırıq”, - deyə o bildirib.
Nazirin sözlərinə görə, Rumıniya bu yaxınlarda Ermənistana gedən və Rumıniyadan 4 ekspertin iştirak etdiyi Aİ-nin monitorinq missiyasını da dəstəkləyir.
“Biz bütün həssas məsələlərin hərtərəfli həlli yollarını tapmaq üçün tərəfləri Aİ-nin dəstəyi ilə diplomatik əməkdaşlığı davam etdirməyə çağırırıq”, - deyə Auresku əlavə edib.