Bakı. Trend:
Dünya Azərbaycanlılarının Həmrəylik Gününün xüsusi gün kimi qeyd edilməsi milli birliyin təmin edilməsi üçün vaxtında qəbul edilmiş ən önəmli qərarlardan biridir. Bu qərar dünya azərbaycanlılarının həmrəyliyi və onların təşkilatlanmasında institusional rola malikdir. Bu, Ulu Öndər Heydər Əliyevin uzaqgörən siyasətinin sayəsində atılan əməli addımlardan biridir.
Azərbaycan xalqı tarixin həssas məqamlarında bir olmağı nümayiş etdirib. Bu birliyin nəticəsində biz məğrur, müzəffər xalq kimi öz sözümüzü demişik. Həmrəyliyimizin ən gözəl nümünələrindən biri də Vətən Müharibəsi dövründə nümayiş etdirilən birlikdir. Bu birliyin nəticəsində qısa zaman ərzində ədaləti bərpa edə bildik. Həmin dövrdə xalq arasında olan birlik bütün dünya üçün nümunədir. Vətən müharibəsindəki şanlı qələbədən sonra böyük qayıdış prosesi üçün görülən işlər də özündə həmrəyliyi təcəssüm edir. Həmrəylik istəyi yalnız ölkəmizdə yaşayan azərbaycanlılara deyil, dünyada yaşayan bütün soydaşlarımıza aiddir.
Ötən 2022-ci ildə xalqın həmrəyliyini nümayiş etdirən əsas
məsələlərdən biri də, ermənilərin yaşadığı Azərbaycan torpaqlarında
faydalı qazıntı yataqlarının qanunsuz istismarı və ekologiyanın
korlanmasına qarşı Laçın – Şuşa yolunda baş verən dinc aksiyadır.
Onu da qeyd edək ki, aksiyada beynəlxaq hüququn bütün norma və
prinsiplərinə əməl edilməklə aqressivlik göstərilmir. Azərbaycan
xalqı mərd və güclüdür. Əgər ehtiyac olarsa yenidən vuruşmağa
hazırıq. Aksiyanın dinc şəraitdə keçməsi xalqımızın humanist
dəyərlələrə sadiqliyinin göstəricisidir. Yeri gəlmişkən aksiyaya
lazım gələrsə on minlərlə soydaşımız da qatıla bilər. Soydaşlarımız
xalq və dövlət üçün bir olmağa hər zaman hazırdır.
Ulu Öndər Heydər Əliyevin hər bir həmvətənimiz üçün milli qürur
rəmzinə çevrilən sözləri Azərbaycan xalqına xas olan mənəvi
dəyərlərləri çox gözəl ifadə edir. Azərbaycan xalqı öz milli
kimliyinə sadiqdir. Bütüb həssas məqamlarda milli mənsubiyyətindən,
statusundan, siyasi baxışından asılı olmayaraq milli həmrəylik
nümayiş etdirən Azərbaycan xalqı daim bu ənənəyə sadiq qalacaq.
Fürsətdən istifadə edib xalqımızı Dünya Azərbaycanlılarının Həmrəyliyi Günü münasibətilə təbrik edir, vətənimiz naminə görülən işlərdə hər birimizə uğurlar diləyirəm.
Milli Məclisin deputatı, YAP İdarə Heyətinin üzvü Şahin İsmayılov