Bakı. Trend:
Siyasi partiyanın Azərbaycan Respublikasının hüdudlarından kənarda istənilən növ (hər növ maliyyə təşkilatları daxil olmaqla) hesab açmasına görə cərimələr müəyyən edilir.
Trend-in məlumatına görə, bununla bağlı İnzibati Xətalar Məcəlləsinə dəyişiklik təklif edilir.
Dəyişikliyə əsasən, qeyd olunan əmələ görə, vəzifəli şəxslər min beş yüz manatdan iki min manatadək məbləğdə, hüquqi şəxslər dörd min manatdan beş min manatadək məbləğdə cərimə edilir.
Bununla yanaşı, "Siyasi partiyalar haqqında" Azərbaycan
Respublikasının Qanununda
müəyyən edilmiş qaydada Azərbaycan Respublikasının Mərkəzi Seçki
Komissiyasına
barəsində məlumat təqdim edilməmiş ianə üzrə siyasi partiya
tərəfindən bank
əməliyyatları və ya hər hansı digər əməliyyat aparılmasına görə
vəzifəli şəxslər iki min manatdan üç min manatadək məbləğdə, hüquqi
şəxslər altı min manatdan səkkiz min manatadək məbləğdə cərimə
edilir.