Dekabrın 16-da Gəncədə "Narkomaniyaya yox deyək" devizi altında tədbir keçiriləcək. Narkomanlıq və narkotik vasitələrin qanunsuz dövriyyəsi ilə mübarizə üzrə Dövlət komissiyası, Gənclər, İdman və Turizm nazirliyi, Təhsil nazirliyi, Gəncə şəhər İcra Hakimiyyətinin birgə təşkil etdiyi tədbirdə şəhərin hüquq-mühafizə orqanları tərəfindən narkotik vasitələrin qanunsuz dövriyyəsinə qarşı görülən mübarizə tədbirləri, şəhərdə narkomaniya probleminin ümumi vəziyyəti, bu problemi doğuran səbəblər barədə danışılacaq.
Tədbirdə Dövlət komissiyası və adıçəkilən nazirliklərin nümayəndələri, o cümlədən şəhərin hüquq-mühafizə orqanlarının rəhbərləri iştirak edəcək.