Azərbaycan Xalq Cəbhəsi Partiyası (klassiklər) martın 26-da keçirəcəyi qurultaya yerin ayrılması ilə bağlı Bakı meriyasına fevralın 24-də müraciət edəcək. Bu barədə Trend ə adıçəkilən partiyanın sədri Mirmahmud Mirəlioğlu bildirib.
M.Mirəlioğlu bildirib ki, müraciətdə üç ünvanı - R.Behbudov adına Mahnı Teatrı, Şəhriyar adına Mədəniyyət mərkəzi və Xətai adina Mədəniyyət Sarayını göstərmişik".
Partiya sədri onu da qeyd edib ki, qurultayda 350-yə yaxın nümayəndənin iştirak edəcəyi gözlənilir. M.Mirəlioğu artıq partiyanın 64 rayon və şəhər təşkilatlarında qurultaya hazırlıqla bağlı konfranslar başa çatmaq üzrə olduğunu deyib: "Qurultayda partiyanın adında dəyişiklik edəcəyik, sədrin və Mərkəzi Nəzarət Təftiş Komissiyasının tərkibinin formalaşdırılması, rayon təşkilat rəhbərlərinin Ali Məclis üzvlüyü səlahiyyətlərinin artırılması məsələləri müzakirə ediləcək".
Qurultaydan sonra sənədlər Ədliyyə Nazirliyinə təqdim olunacaq.
Trend-in ən mühüm və maraqlı xəbərlərini "Telegram"da izləyin
.jpg)
