38 saylı Gəncə-Nizami ikinci dairə seçki komissiyasının sədri İbrahim Cəfərovun "Trendə" verdiyi məlumata görə, 38 saylı dairə üzrə 15 nəfərin namizədliyi qeydə alınıb. Əvvəlcə 34 nəfərin namizədliyi qeydə alınsa da, sonradan 19 nəfər imza vərəqələrini geri qaytarıb və namizədliyini irəli sürməkdən imtina edib.
Milli Məclisə keçirilşəcək təkrar seçkilərə 38 saylı Gəncə-Nizami ikinci dairəsindən qeydə alınan namizədlərin partiya tərkibi belədir. 15 nəfərdən 1 nəfəri Azərbaycan Milli istiqlal partiyası, bir nəfəri "Yeni Azərbaycan" partiyası, bir nəfəri Musavat, bir nəfəri Kommunist partiyası, qalan 11 nəfəri isə bitərəf namizədlərdir. İ.Cəfərov onu da bildirib ki, hazırda seçicilrin siyahıyaalma prosesi üzərində iş aparılır. Gələn həftə seçicilər öz adlarını siyahıda yoxlaya bilər.
Qeyd edək ki, namizədlərin hamısı öz təbliğat-təşviqat kampaniyasına başlayıb. İndiyə qədər heç bir neqativ hal baş verməyib.