Azərbaycan hökuməti Qara dəniz Ticarət və İnkişaf Bankının kapitalında iştirakın artırılması ilə bağlı öz mövqeyinin formalaşdırıb. Bu barədə Trend ə maliyyə naziri Samir Şərifov məlumat verib. Onun sözlərinə görə, bankın Nizamnamə kapitalında əlavə kapitallaşma iyunun 11-də QTİB-nın idarəedicilərinin Şurasının illik iclasında müzakirə olunacaq.
Bu gün bankın Nizamnqamə Kapitalının 3%-i 3 ölkənin (Ermənistan, Gürcüstan və Moldova) könüllü olaraq öz iştirak paylarını 50% azaltmaları ilə əlaqədar paylanmamış qalıb. Müvafiq olaraq, onlar üçün QİTB-ə üzv olan digər ölkələr pul ödəməlidirlər.
"Bank Bakı görüşündə müzakirə edəcəyi bir sıra yanaşmalara malikdir. Azərbaycan QTİB-nın Şurasının qərarından çıxış edərək müəyyən qərar qəbul edəcək", - deyə S.Şərifov bildirib.
QTİB-nın elan edilmiş Nizamnamə kapitalı 1 mlrd. SDR ($1,325 mlrd.) təşkil edir ki, bunun 30% (300 mln. SDR) tam ödənilir. Azərbaycanın payı 2% (6 mln.SDR) təşkil edir ki, bu QTİB-nın kapitalına tam daxil edilir.
"Bankın kapitalında Azərbaycanın payının tam ödənməsi iştirakın genişlənməsi və bank tərəfindən ölkədə maliyyələşdirilən layihələrin həcminin artırılması şanslarını artırır", - deyə bankın baş katibi Xaralampos Sarukas mayın 18-də keçirilən mətbuat konfransında bildirib.