Azərbaycan öz məhsulllarının Küveyt bazarına çıxarılması imkanlarını nəzərdən keçirir. Bu barədə Trend ə Azərbaycanın Küveytdəki səfiri Şahin Abdullayev bildirib.
Onun sözlərinə görə, Küveytin öz məhsullarının 98%-ni idxal etdiyini nəzərə alsaq, iki ölkə arasındakı mal dövriyyəsi çox da böyük deyil.
Ş.Abdullayev hesab edir ki, Küveyt Azərbaycan üçün İraq bazarına çıxış baxımından faydalı ola bilər. İraq iqtisadiyyatının bərpasında iştirak edən ölkələrin çoxu Küveyt vasitəsilə iqtisadi əməkdaşlıq edir. Azərbaycan da gələcəkdə bu imkanlardan istifadə edə bilər.
Eyni zamanda o qeyd edib ki, hələlik İraqda vəziyyət sabit deyil və buna görə risk etməyə dəyməz. Lakin gələcəkdə Azərbaycan Küveytlə vasitəsilə həm dövlət qurumları, həm də ayrı-ayrı sahibkarlar səviyyəsində İraq iqtisadiyyatının bərpasında iştirak edə bilər.
