Naxçıvan Əlillərin Bərpa Mərkəzi bu il 359 vətəndaşa xidmət göstərib.
Trend in Naxçıvan bürosu xəbər verir ki, təkcə son bir ayda 33 nəfər mərkəzin xidmətləridən istifadə edib.
Naxçıvan Əlillərin Bərpa Mərkəzinin baş həkimi Qadir Əliyev Trend ə müsahibəsində bldirib ki, müəssisədə qəbul Naxçıvan MR Əhalinin Sosial Müdafiəsi və Naxçıvan MR Səhiyyə Nazirliyinin göndərişi əsasında həyata keçirilir. "Əvvəllər əlil vətəndaşlar fizioterapevtik müalicə almaqdan ötrü paytaxta üz tutmağa məcbur olurdular. Çox vaxt isə maddi xərclər əlillərə vacib olan fizioterapevtik müalicənin vaxtlı-vaxtında aparılmasına imkan vermirdi". Qadir Əliyev onu da əlavə edib ki, növbəti ildə Uşaq Bərpa Mərkəzinin isifadəyə verilməsi regionda əlillərin sosial müdafiəsinin gücləndirməsinə səbəb olacaq. Bu isə uşaqların böyüklərlə birgə deyil, fərdi şəkildə reabilitasiyasına imkan verəcək.
Məlumat üçün deyək ki, 2004-cü ildən fəaliyyət göstərən Naxçıvan Əlillərin Bərpa Mərkəzində indiyədək 800-dən artıq xəstə pulsuz şəkildə ambulator və stasionar qaydada müalicə alıb.
