"Ermənistan rəhbərliyi Dağlıq Qarabağın bu ölkəyə birləşdirilməsi ideyasından əl çəkib". Trend in məlumatına görə, bu sözləri jurnalistlərlə söhbətində iqtidaryönlü Ana Vətən Partiyasının sədri, millət vəkili Fəzail Ağamalı deyib.
O vurğulayıb ki, Ermənistanın müdafiə naziri Serj Sərkisyan və xarici işlər naziri Vardan Oskanyanın dediklərindən aydın olur ki, rəsmi İrəvan Dağlıq Qarabağın Azərbaycan ərəazisində daha yüksək status əldə etməsi üçün çalışır.
Deputat məsələ ilə bağlı rəsmi Bakının da mövqeyini yada salıb. Qeyd edib ki, Azərbaycan Dağlıq Qarabağa Azərbaycanın tərkibində ən yüksək muxtariyyat verməyə hazırdır və danışıqlar bu istiqamətdə gedir.
F.Ağamalının fikrincə, beynəlxalq aləmdə Azərbaycanın mövqeləri getdikcə möhkəmlənir və bunun nəticəsində işğal altında olan torpaqlarımız yaxın vaxtlarda azad olunacaq.
Qeyd edək ki, iqtidaryönlü Ana Vətən Partiyası 1990-cı ilə yaradılıb. Partiyanın sədri millət vəkili Fəzail Ağamalıdır. Ana Vətən Partiyası parlamentdə iki deputatla təmsil olunur: partiyanın sədri Fəzail Ağamalı və onun müavini Zahid Oruc.