...

Deputat Elmira Axundova: Zabitlərin mənzil probleminin həll olunması vacibdir

Siyasət Materials 7 Dekabr 2006 16:04 (UTC +04:00)

"Hər bir ana sabah əsgər anası ola bilər və biz bunu nəzərə almalıyıq. Ona görə də biz Silahlı Qüvvələrlə təmasda olmalıyıq. Zabitlərimizə və əsgərlərimizə qayğı göstərdiyimizi sözdə yox, əməldə sübut etməliyik". Trend in məlumatına görə, bu sözləri jurnalistlərlə söhbətində millət vəkili Elmira Axundova deyib.

Onun fikrincə, bu gün orduda əsas problem zabitlərin hərbi şəhərciklər və evlərlə təmin olunmamasıdır. Deputat vurğulayıb ki, artıq bu məsələnin həll olunması üçün işlər başlayıb. "Prezident İlham Əliyevin göstərişi ilə bunun üçün müəyyən miqdarda vəsait ayrılıb və Müdafiə Nazirliyi zabitlər üçün evlər tikəcək. Amma mən hesab edirəm ki, bu prosesi sürətləndirmək lazımdır."

E.Axundovanın sözlərinə görə, cəbhə bölgəsində xidmət edən zabitlərin əksəriyyəti tək yaşayırlar. Millət vəkili qeyd edib ki, orduda xidmət edən zabitlərin tək yaşaması onlar üçün problemlər yaradır. "Əgər zabit öz ailəsini xidmət etdiyi rayona və ya kəndə gətirmək istəyirsə, mütləq kirayə ev tutmalıdır. Həmin zabitlər bu zaman öz maaşlarından kirayə haqqı verməlidir. Belə olan halda isə zabitlər əlavə xərcə düşürlər. Ailədən uzuqda yaşamaq isə qadın və uşaq nəvazişindən məhrum olmaq deməkdir. Ona görə də bu məsələnin öz həllini tapması vacibdir."

Millət vəkili qeyd edib ki, Ağdam cəbhəsində yerləşən hərbi hissələrə səfər edən həmkarları və onun özü Bakıya böyük təəssürratlarla qayıdıblar.

"Azərbaycan ordusunda xidmət edən insanların əhval - ruhiyyəsi çox yüksəkdir. Hərbçilərimiz döyüşə hazırdırlar. Onlar bildirdilər ki, əgər Ali Baş Komandan əmr verərsə çox qısa vaxt ərzində torpaqlarımızı erməni işğalından azad etməyə qadirdirlər. Bunları bizim düşmənlərimizin bilməsi vacibdir."

Deputat əlavə edib ki, əgər müharibə başlasa Azərbaycan qadınları da müharibəyə getməyə və torpaqlarımızın erməni işğalından azad olunması prosesində iştirak etməyə hazırdırlar.

Xəbər lenti

Xəbər lenti