Azərbaycan,Bakı/müxbir Trend İ.Xəlilova/Moldova Azərbaycan hökuməti ilə birgə GUAM vasitəsilə bu qurum dövlətlərində dondurulmuş münaqişələrin həll edilməsi məsələsini BMT-nin gündəliyinə salmaq səylərini salamlayır. Bu barədə Moldovanın baş naziri Vasile Tarlev məlumat verib.
V.Tarlev Moldovada siyasi vəziyyətin sabit olduğunu qeyd edib. Bununla yanaşı o, hesab edir ki, Moldova da Azərbaycan kimi separatizmdən ciddi əziyyət çəkir. Nə dini, nə də etnik əsası olmayan Dnestryanı problemə toxunan nazir qeyd edib ki, Moldova da Azərbaycan kimi suverenlik, müstəqillik və ərazi bütövlüyünü dəstəkləyir və münaqişələrin sülh yolu ilə həllinin tərəfdarıdır.
Azərbaycanın baş naziri Artur Rəsizadə qonaqları əsas narahatçılıq - Dağlıq Qarabğ problemi ilə məlumatlandırdıqdan sonra Azərbaycan hökumətinin münaqişənin sülh yolu ilə həll olunmasında maraqlı olduğunu bildirib, lakin erməni tərəfi qeyri-konstruktiv yanaşma ilə çıxış etməkdə davam edir. "Azərbaycan Respublikasının prezidenitinin göstərişinə əsasən, biz hərbi büdcəni Ermənistanın ümumi büdcəsinə çatdırmışıq, lakin bu vəsaitləri sülh məqsədilə hərbi müdafiənin inkişafına yönəltmək daha yaxşı olardı", deyə A.Rəsizadə qeyd edib.
Moldova hökuməti kənd təsərrüfatı, sənaye, IT -texnologiyaları, energetika, turizm sahəsində əməkdaşlığın genişləndirilməsidə maraqlı olduğunu bildirib. "Biz, birgə müəssisələrin yaradılmasında maraqlıyıq və konkret təklifləri müzakirə etməyə hazırıq. Mən özüm Azərbaycan biznesinin Moldovada öz evindəki kimi hiss etməsini nəzarətim altında saxlayacam və onların fəaliyyəti üçün bütün əlverişli şərait yaradılacaq Moldova şirkətləri həmçinin Azərbaycana gəlməyə hazırdır və onlar Azərbaycanda layihələr həyata keçirmək niyyətindədir", deyə Moldovanın baş naziri qeyd edib.
Onun sözlərinə görə, Moldovada siyasi və iqtisadi sabitlik hökm sürür. Ötən il ölkənin xaricdən embarqoya məruz qalmasına və qaz tariflərinin iki dəfə artmasına baxmayaraq, görülmüş ölçülər nəticəsində iqtisadiyyat möhkəmlənib və ölkə biznes üçün hazırdır.
Moldovanın iqtisadiyyat və ticarət naziri İqor Dodonun sözlərinə görə, Moldovada cəlbedici vergi sistemi yaradılıb (gəlirə olan vergi 15%). Moldovada yeddi müstəqil iqtisadi zona var, burada gömrük, vergi güzəştləri (istənilən avadanlığın idxalı ƏDV və gömrük rüsumundan azaddır) mövcuddur. Bununla yanaşı Moldovanın 1 yanvar 2007-ci il tarixindən Avropa Birliyinə (AB) daxil olmasından sonra AB 80% səviyyəsində preferensiya təqdim edib və bu da Moldovadan AB dövlətlərinə ixracatı gömrük rüsumu ödəmədən həyata keçirməyə imkan verir.
İ.Dodon hesab edir ki, Moldovanın cənubunda Dunay vasitəsilə dənizə çıxışın açıq olması ticarət əməliyyatlarının genişləndirilməsi və 2002-ci ildə Azərbaycan prezidentinin Moldovaya səfərindən sonra tikintisinə başlanmış və ötən ilin sonunda neft terminalının istifadəyə buraxılması əlavə imkanlar yaradıb.
Onun sözlərinə görə, maraqlı istiqamətlər təcrübənin öyrənilməsidir. Belə ki, keçmiş SSRİ-də müəssisələr müdafiə kompleksində işləyib və bu gün Moldova Hindistana detalların çatdırılmasını həyata keçirir.
Hazırda Azərbaycanda Moldovanın hüquqi şəxslərinin iştirakı ilə "Azinter-Mold" müəssisəsi, 100% Moldova kapitallı "Tores" müəssisəsi, "Laminat" və "Azkom S.A.Qrup" konsernləri qeydiyyatdan keçib.
