Bakı. Trend:
Bakıda amputant futbolu üzrə Millətlər Liqasının C qrupuna start verilib.
Trend xəbər verir, açılış oyununda Azərbaycan və Belçika komandaları üz-üzə gəliblər.
“ASCO Arenada” təşkil olunan matç Azərbaycan millisinin qələbəsi ilə yekunlaşıb - 3:0.
Komandamızın qollarına Fərhad Əyyubov (2 qol) və Sənan Hacıyev imza atıblar.
Bu gün, həmçinin İsrail Ukrayna, Niderland Belçika ilə qarşılaşacaq. Qarşılaşmalar müvafiq olaraq, saat 15:00 və 17:00-da başlayacaq.
Qeyd edək ki, bu turnirin Azərbaycanda keçirilməsi ölkəmizdə mina probleminin dünyaya çatdırılması, minadan zərərçəkənlərin beynəlxalq idman platformalarında bir araya gəlməsi baxımından əhəmiyyətlidir.
