Azərbaycan, Bərdə / Trend , müxbir Ş. Cəliloğlu/ Bərdə rayon Polis Şöbəsinin əməkdaşları 11 saylı regional Vergi İdarəsi ilə birgə Bərdədə saxta dərman preparatlarının aşkarlanması ilə bağlı əməliyyat keçirib. Bərdə rayon Polis Şöbəsinin rəisi Azər Məmmədov cümə axşamı bildirib ki, əməliyyat-axtarış tədbirləri zamanı rayonun Həzi Aslanov kuçəsində məskunlaşan Bərdə sakini 1966-ci il təvəllüdlü Haqverdiyev Etibar Cəfər oğlunun yaşadığı ərazidə mal-qara üçün istifadə olunan saxta baytarlıq dərman preparatlarının istehsalı ilə məşğul olması aşkarlanıb. Çoxsaylı növdə müsadirə olunan dərman preparatlarının dəyəri ilkin aparılmış nəticələrə əsasən 3 min dollardır.
Bərdə paytaxt Bakıdan 320 kilometr cənub-qərbdə yerləşir.