Azərbaycan, Bakı/ Trend müxbir K.Zərbalıyeva/ Azərbaycan İşgəncələr Əleyhinə Komitə bir qrup məhkumla bağlı, beynəlxalq təşkilatlara müraciət edəcək. Bu barədə Trend ə çərşənbə günü Komitənin sədri Elçin Behbudov məlumat verib.
Behbudov bildirib ki, bu gün 1 saylı ciddi rejimli həbsxanada monitorinq keçirib. Hüquq müdafiəçisi sabiq polis rəisi Müşfiq Səlifovla, Milli Qəhrəman Rasim Əkbərovla, "Yeni Fikir" Gənclər Hərəkatının sədri Ruslan Bəşirli, 15 il azadlıqdan məhrum edilmiş Əmiraslan İsgəndərovla görüşüb.
Behbudov bildirib ki, Əmiraslanov sinəsindəki şiddətli ağrılardan şikayət edib. Həbsxananın rəisi Əmiraslanovun Müalicə Müəssisəsinə köçürüləcəyini deyib.
Bəşirli baş ağrılarından şikayət edib və deyib ki, bu ağrılar istintaq zamanı ona verilən işgəncələrdən sonra yaranıb.
Milli Qəhrəman Əkbərovun səhhətinin ağır olduğunu deyən Behbudov bildirib ki, keçmiş döyüşçü sərbəst yeriyə bilmir.
Sabiq polis rəisi Mədətov şəkər xəstəliyindən əziyyət çəkir.
Behbudov görüşdüyü məhkumların, saxlanma şəraitindən və onlara olan münasibətdən şikayətçi olmadılarını bildirib.
Komitə sədri bu şəxslərlə bağlı Prezident Aparatına dəfələrlə müraciət etdiyini, lakin müraciətlərinə müsbət cavab verilmədiyini əsas gətirərək, beynəlxalq təşkilatlara müraciət edəcəyini vurğulayıb.