Azərbaycan, Bakı, 13 avqust / Trend , müxbir R.Ergün/ Azərbaycanın futbol üzrə Premyer-Liqasında "Xəzər-Lənkəran" - "Turan" oyununun tarixi dəyişdirilib. Buna "Xəzər-Lənkəran"ın avqustun 16 -da Türkiyənin məşhur "Beşiktaş" klubu ilə yoldaşlıq görüşü keçirməyi planlaşdırması səbəb olub.
Trend -un arayışı: "Xəzər-Lənkəran"la "Beşiktaş" klubu arasındakı oyun avqustun 16-da Türkiyədəki "İsmət İnönü" stadionunda keçiriləcək. Bu oyun, "Beşiktaş"ın və "Xəzər-Lənkəran"ın keçmiş oyunçusu Oqtay Dərəlioğlunun futbolçu karyerasını bitirməsinə həsr olunub.
"Xəzər-Lənkəran" Premyer-Liqanın ikinci turunda, avqustun 16 -da Tovuzun "Turan" komandası ilə oynamalı idi.
Azərbaycan Futbol Federasiyaları Assosiasiyasının (AFFA) qərarına görə, "Xəzər-Lənkəran" - "Turan" görüşü sentyabr ayının 13 -nə təyin olunub.