Azərbaycan, Bakı, 03 oktaybr / Trend , müxbir C.Babayeva/ Azərbaycandakı internatlarda tərbiyə olunan 18 yaşına çatmış uşaqların yaşayış və iş yeri ilə təmin olunması ilə bağlı gələn ildən başlayaraq pilot layihələr həyata keçiriləcək.
"Uşaq evlərində tərbiyə alan 18 yaşa çatmış uşaqların yaşamağa yerləri olmur. Həmin uşaqların yataqxana və işlə təmin olunması üzrə pilot layihələrin həyata keçirilməsilə bağlı artıq bəzi rayonların icra başçıları ilə danışıqlar aparılıb", - deyə Ailə, Qadın və Uşaq Problemləri üzrə Dövlət Komitəsinin sədri Hicran Hüseynova cümə günü jurnalistlərə bildirib.
Trend -un arayışı: Azərbaycanda uşaq sanatoriyaları istisna olmaqla, 65 uşaq müəssisəsi (internat evləri, körpələr evi, uşaq evləri) var. Bu müəssisələrdə yaşayan uşaqların hamısı valideyn himayəsindən məhrumdur, lakin onların 70 faizinin valideynləri var. Ümumilikdə 65 uşaq müəssisəsində 21 min valideyndən məhrum uşaq var.
Dövlət Komitəsinin sədri qeyd edib ki, pilot layihə müsbət nəticələr verərsə, bu cür layihələr gələcəkdə də həyata keçirilə bilər.
Məqalə müəllifi ilə əlaqə ünvanı: [email protected]
