Azərbaycan, Bakı, 16 oktyabr / Trend , müxbir R.Ergün/ Azərbaycanın "Neftçi" futbol klubunun müdafiəçisi Dmitri Kruqlovun çıxış etdiyi Estoniya yığma komandası DÇ-2010-nun seçmə mərhələsində keçirdiyi növbəti oyunda uğurlu nəticə qazanıb.
Estoniya millisi öz meydanında Türkiyə yığması ilə görüşdən 0:0 hesablı nəticə ilə ayrılıb. Kruqlov bu oyunda əsas heyətdə meydana çıxaraq, komandasının görüşdə bir xal qazanmasında böyük rol oynayıb. "Neftçi" klubunun müdafiəçisi oyunun sonlarına yaxın Türkiyə yığmasının qapısına qüvvətli zərbə vurması ilə də yadda qalıb.
Kruqlov "Neftçi"yə bir il əvvəl transfer olunub. Estoniya yığma komandasının da aparıcı üzvlərindən olan futbolçu sol cinah müdafiəçisi mövqeyində çıxış edir.
Məqalə müəllifi ilə əlaqə ünvanı: [email protected]