Azərbaycan, Bakı, 04 fevral / Trend , müxbir R.Ergün/ Azərbaycanın "Xəzər-Lənkəran" klubunun müqavilə bağladığı məşhur türkiyəli futbolçu Ahmet Dursun bu gün Bakıya gəlib. Bu barədə Trend -a "Xəzər-Lənkəran" klubunun mətbuat xidməti məlumat verib.
Türkiyənin "Beşiktaş" klubundakı çıxışı ilə tanınan futbolçu "Xəzər-Lənkəran"la 3 aylıq müqavilə bağlayıb.
"Xəzər-Lənkəran"a Türkiyənin "Kocaelispor" klubundan gələn futbolçu hücumçu mövqeyində çıxış edir.
"Xəzər-Lənkəran"da əvvəllər daha bir tanınmış futbolçu - Oktay Dərəlioğlu çıxış edib.
Hazırda Bakıda olan Dursun tibbi müayinədən keçəndən sonra "Xəzər-Lənkəran"ın təmsil etdiyi Lənkəran şəhərinə gedəcək.
Məqalə müəllifi ilə əlaqə ünvanı: [email protected]