...

Azərbaycanın qərbində sakinlər avtomobil yolunu kəsiblər

Cəmiyyət Materials 4 Fevral 2009 17:34 (UTC +04:00)

Azərbaycan, Bakı, 04 fevral / Trend , müxbir E.Rustəmov/ Azərbaycanın qərbində yerləşən Gəncə şəhərində (paytaxt Bakıdan 365 kilometr məsafədə) yaranan su probleminə görə 5-ci mikrorayonun sakinləri avtomobil yolunu kəsiblər.

Təxminən 50 nəfərin qatıldığı aksiya nəticəsində şəhərin Üzeyir Hacıbəyov küçəsində avtomobillərin hərəkəti qısa müddətə dayanıb.

Aksiya iştirakçıları mənzillərə su verilməsini tələb ediblər.

Polisin müdaxiləsindən sonra sakinlər yolu açıblar.

Şəhərin bəzi ərazilərində su probleminin mövcud olduğunu deyən Gəncə Şəhər İcra Hakimiyyəti başçısının müavini Şahmalı Cavadov çərşənbə günü Trend -a bildirib ki,  5-ci mikrorayon sakinlərinin 60 faizi sudan istifadəyə görə borclarını ödəyib və axşam saatlarına kimi ödənişin məbləği artarsa, suyun verilməsi bərpa olunacaq.

Gəncədə su problemi bir aya yaxındır davam edir. Bir neçə su anbarı və artezianlarına verilən elektrik enerjisinin kəsilməsi nəticəsində şəhər sakinlərinə suyun verilişi dayandırılıb. Su Kanal Törəmə Səhmdar Cəmiyyətindən bunun səbəbini əhalinin istifadə etdikləri suyun dəyərini tam ödəməməklə əlaqələndirirlər.

Cəmiyyətdən bildiriblər ki, əhalinin idarəyə 9 milyon manat debutor borcu var. Cəmiyyətin isə Gəncə Elektrik Şəbəkəyə 13 milyon manat borcu var

Məqalə müəllifi ilə əlaqə ünvanı: [email protected]          

Xəbər lenti

Xəbər lenti