Azərbaycan, Bakı, 6 noyabr / Trend /
Azərbaycanın Sumqayıt şəhərindəki Hüseyn Ərəblinski adına Dövlət Musiqili Dram Teatrında yeni teatr mövsümünün açılışı olub.
Sumqayıt Şəhər İcra Hakimiyyətindən cümə günü Trend -a verilən məlumata görə, mərasimdə şəhər İcra Hakimiyyətinin başçısı Vaqif Əliyev və şəhər ictimaiyyəti iştirak edib.
41-ci mövsümündə teatrın aktyor heyəti F.Məhərrəmovun rejissorluğu ilə səhnələşdirilmiş Tofiq əl-Hakiminin "Karıxmış sultan" pyesini tamaşaçılara təqdim edib. Əsər tamaşaçılar tərəfindən sürəkli alqışlarla qarşılanıb.
Ərəblinski adına Sumqayıt Dövlət Dram Teatrı 1968-ci ildə yaradılıb. 14 mart 1969-cu ildə M.F.Axundovun "Müsyö Jordan və dərviş Məstəli şah" pyesinin tamaşası ilə teatrın açılışı olub.
Məqalə müəllifi ilə əlaqə ünvanı: [email protected]
