Bakı. Trend:
Çin və Şimali Koreya Pxenyanda keçirilən sammitdə mühüm razılaşmalar əldə ediblər və ölkələr arasında münasibətlər yeni tarixi mərhələyə qədəm qoyub.
Trend-in məlumatına görə, bu barədə Çin Xalq Respublikasının sədri Si Cinpinin Şimali Koreyaya dövlət səfərindən sonra lider Kim Çen Ina göndərdiyi təşəkkür teleqramında deyilir.
Çin rəhbəri vurğulayıb ki, keçirilən görüşlərdə iki dövlət başçısı "qarşılıqlı maraq doğuran məsələlər ətrafında ətraflı fikir mübadiləsi aparıb və bir sıra vacib razılaşmalar əldə ediblər". Si Cinpin bildirib ki, bu, Çin-Koreya münasibətlərinə zamanın ruhuna uyğun yeni bir məzmun verib və hər iki tərəfin ənənəvi dostluğu davam etdirmək, inkişaf və rifahı birgə təşviq etmək, regionda və dünyada sülh və sabitliyi qorumaq əzmini nümayiş etdirib.
