Bakı. Trend:
Bakı Təşəbbüs Qrupu (BTQ) BMT Baş Assambleyası çərçivəsində qayıtmaq hüququ və dekolonizasiyaya həsr olunmuş tədbir keçirib.
Bu barədə BTQ-nin sosial şəbəkə hesabındakı paylaşımında qeyd olunub.
Tədbir “Qayıtmaq hüququ və dekolonizasiya: təxirə salınmış tarixi ədalətin bərpası” mövzusunda baş tutub.
Qeyd edək ki, Bakı Təşəbbüs Qrupu 2023-cü il iyulun 6-da Bakıda Azərbaycan sədrliyi ilə Qoşulmama Hərəkatının nazirlər görüşü çərçivəsində keçirilmiş “Kolonializmin tamamilə aradan qaldırılması yolunda” konfransı zamanı yaradılmış beynəlxalq qeyri-hökumət təşkilatıdır.
BTQ dekolonizasiyanın, yerli xalqların və etnik azlıqların hüquqlarının, həmçinin məcburi köçürülmüş azərbaycanlılar da daxil olmaqla, qayıtmaq hüququnun təşviqi ilə məşğul olur. Qrup yarandığı vaxtdan onlarla beynəlxalq konfrans təşkil edib, o cümlədən Nyu-Yorkda BMT-nin mənzil-qərargahında bir sıra tədbirlər keçirib, həmçinin BMT orqanlarına təqdim olunan bir sıra hesabatlar dərc edib.
Tədbir 2026-cı ilin sentyabrında dünya liderlərini Nyu-Yorkda bir araya gətirən BMT Baş Assambleyasının 81-ci sessiyasının yüksək səviyyəli həftəsi çərçivəsində keçirilib. 81-ci sessiyanın ümumi debatları əsasən sentyabrın 22-dən 26-dək və 28-də keçirilib. Debatlarda dövlət və hökumət başçıları iştirak edərək etimadın bərpası və çoxtərəfli əməkdaşlığın gücləndirilməsinə həsr olunmuş gündəm çərçivəsində qlobal çağırışları müzakirə ediblər.
