Bakı. Trend:
KTMT ölkələri Yerevanın iki ildən çoxdur üzvlük haqqını ödəməməsi səbəbindən təşkilatın nizamnaməsinin müvafiq maddəsinin Ermənistana tətbiq edilməsini nəzərdən keçirmək barədə razılığa gəliblər.
Xarici media yazır ki, bunu Rusiyanın xarici işlər naziri Sergey Lavrov bildirib.
"Ermənistanda seçki günü həmkarım Ararat Samveloviç Mirzoyandan KTMT haqqında soruşuldum. O dedi ki, biz üzvlük haqqı ödəmirik, çünki sadəcə iştirak etmirik. Bu, açıq bir sitatdır; tapa bilərsiniz. Bu gün bu vəziyyətdə nə edəcəyimizi müzakirə etdik. Ermənistan iki ildən çoxdur ki, KTMT büdcəsinə borcludur - bu, təşkilatın nizamnaməsində nəzərdə tutulub və biz bu gün KTMT nizamnaməsinin müvafiq maddəsinin tətbiq edilməsini nəzərdən keçirmək barədə razılığa gəldik", - deyə Lavrov Kazanda KTMT Xarici İşlər Nazirləri Şurasının iclasından sonra keçirilən mətbuat konfransında bildirib.
