Bakı. Trend:
Avstriyada təlim-məşq toplanışında olan Azərbaycan milli komandası ikinci yoldaşlıq oyununa çıxıb.
Trend-in məlumatına görə, Ayxan Abbasovun baş məşqçisi olduğu kollektiv San-Marino yığması ilə qarşılaşıb.
Macarıstanın Sombatxey şəhərində yerləşən “Haladaş” stadionunda təşkil olunan görüş yığmanın 2:1 hesablı qələbəsi ilə yekunlaşıb. Qolları Rəhman Daşdəmirov və Renat Dadaşov vurublar.
Xatırladaq ki, Azərbaycan millisi iyunun 5-də Malta ilə keçirdiyi ilk yoldaşlıq matçında 0:2 hesabı ilə uduzub.
