Azərbaycan, Bakı, 01 mart / Trend , müxbir A.Hüseynbala/
Azərbaycanın Mətbuat Şurası dörd qəzetlə bağlı şikayətə baxacaq.
"Şuranın şikayətlər komissiyasına dörd qəzetlə bağlı şikayət daxil olub və komissiyanın bu həftə keçiriləcək iclasında məsələ müzakirəyə çıxarılacaq", - bazar ertəsi Trend -a Mətbuat Şurasının icraçı katibi Rəhim Hüseynzadə bildirib.
Trend -un arayışı: Mətbuat Şurası 2009-cu ili "reket qəzetlər"ə qarşı mübarizə ili elan etmişdi. Şura indiyədək 95 qəzetin adını "qara siyahı"ya daxil edib.
Hüseynzadənin sözlərinə görə, şikayətlərdən biri qəzetlərdən birinin rəhbərliyinin vətəndaşlara fırıldaq gəlməsi haqdadır. "Adını çəkmək istəmədiyim həmin qəzetin rəhbəri bir nəfərdən işə düzəldəcəyi vəd verərək müəyyən miqdarda pul alıb. Vədinə əməl etmədikdə isə həmin şəxsə qəzetin vəsiqəsini pul əvəzinə təklif edib", - icraçı katib əlavə edib.
Onun fikrincə, bəzi qəzet təsisçiləri vəsiqə alveri ilə məşğul olmaqdan da çəkinmirlər. "Bu cür problemlərin həlli üçün kütləvi informasiya vasitələrinin yenidən qeydiyyatdan keçməsinə və bu zaman şuranın da rəyinin müəyyən qədər nəzərə alınmasına ehtiyac var", - Hüseynzadə vurğulayıb.
Azərbaycanda dörd minə yaxın kütləvi infоrmаsiyа vаsitəsi qеydiyyаtdаn kеçib. Hаzırdа оnlаrdаn 600-ə yахını fəaliyyət göstərir. Təхminən 400-ə qədər qəzеt və jurnаl dərc оlunur, 8 ümumrespublika, 14 regional, 13 kabel televiziyası fəаliyyət göstərir. Аzərbаycаndа 50-yə yaxın elektron KİV, təxminən 20 informasiya agentliyi vаr. Qalanları isə internet resurslarıdır.
Məqalə müəllifi ilə əlaqə ünvanı: [email protected]
