Azərbaycan, Bakı, 12 iyul /Trend, müxbir M. Əliyev/
Azərbaycan Konstitusiya Məhkəməsi Palatası növbəti iclasını keçirib, - bu barədə bazar ertəsi Trend-ə Konstitusiya Məhkəməsinin mətbuat xidmətindən bildiriblər.
Azərbaycan Konstitusiyasının 130-cu maddəsinin V hissəsinə və "Konstitusiya Məhkəməsi haqqında" Qanunun 7.1-ci maddəsinə əsasən, Konstitusiya Məhkəməsinin Palatası Gəncə şəhər Kəpəz Rayon Məhkəməsinin müraciətinə baxaraq, onun icraata qəbul edilməsi haqqında qərardad çıxarıb.
Müraciətə mahiyyəti üzrə, tərəflərin iştirakı ilə Konstitusiya Məhkəməsi plenumunun 2010-cu il iyul ayının 23-nə təyin edilmiş iclasında baxılacaq.