Azərbaycan, Bakı, 26 mart /Trend/
"Qalatasaray" klubunun yeni baş məşqçisinin adı müəyyənləşib. Trend-in məlumatına görə, rumıniyalı Georgi Hacı ilə yollarını ayıran klub rəhbərliyi Bülənt Ündərlə razılığa gəliblər.
Sarı-qırmızılı klubda əvvəllər Fateh Terimlə birgə işləyən mütəxəssislə müqavilə mövsümün sonunacan imzalanıb. Onun köməkçiləri Tuqay Kərimoğlu və Nezih Boloğlu olacaqlar.
Ündərin "Qalatasaray"da baş məşqçi kimi debütü isə növbəti tura təsadüf edə bilər.
Bülənt klubu düşdüyü çətin vəziyyətdən çıxaracağı halda müqavilənin müddəti uzadıla bilər.